DE CONCERTO

Cos mestres da e-trad.

O pasado martes 20 de marzo o alumnado de 5º e 6º cursos de Primaria acudiu ó Auditorio do Concello para gozar do concerto As cantigas do Pergameo Vindel, interpretado polos mestres da e-trad a partir das melodías do Pergamiño Vindel. Unha homenaxe magnífica que o noso alumnado saboreou con gusto, xa que este é o tema do noso PDI. Ademais, os rapaces recoñeceron que sobre o escenario estaban os mellores músicos folk da nosa terra: Rodrigo Romaní, Anxo Pintos, Chisco, Chuco, Begoña Riobó, Xaquín Xesteira e un longo etcétera.

Ás veces, para buscar a mellor calidade non hai que ir moi lonxe.