XOGANDO COA MÚSICA DE BEETHOVEN

No ano do 250 aniversario do seu nacemento, xogamos coa súa música. 

Ola, rapazada de 6º de Primaria! Como andades?

Espero que moi ben.

Este ano se cumplen 250 anos do nacemento dun dos músicos máis importantes da Historia: Ludwig van Beethoven. Así que hoxe, a través dun xogo, vos convido a achegarvos un pouquiño á súa música.

Hai cinco anos, cando se cumpriron os 245 anos do seu nacemento, Google creou un doodle marabilloso sobre Beethoven. Un xogo fermoso e divertido co que poderedes aproximarvos a catro das súas máis famosas melodías.

As melodías aparecerán desordenadas, e teredes que colocalas no seu sitio (pensando e escoitando, claro, non a chou).

Desta vez non vos pedirei que me contedes como vos foi, nin cantos acertos tivestes, aínda que espero que fagades o xogo coa máxima responsabilidade e seriedade. A fin de contas, estaredes exercitando o voso ouvido.

Preparados? Premede na seguinte imaxe para comezar.