INSTRUMENTOS DE VENTO - MADEIRA

Quen son esas partículas nerviosas?

Escoitando A mota de Pó, de Fernando Palacios, e continuando coa súa viaxe, atopamos un novo grupo: as partículas nerviosas, que non son outras que os instrumentos da familia de vento - madeira. 

Por contraste cos instrumentos da familia de vento - metal semellaría que todos os instrumentos de vento -madeira deberían estar construídos con madeira. Pero isto levaranos a erros. O que define a esta familia é a embocadura, que pode ser de tres tipos: 

• de bisel (como nas frautas). Neste caso, o son prodúcese cando o aire é cortado por unha arista afiada;

• de lingüeta simple. O son prodúcese ó vibrar unha cana fina; 

• de lingüeta dobre. O son prodúcese ó vibrar unha contra a outra dúas canas moi finas atadas cun fío e incrustadas no tubo do instrumento. 

Os instrumentos máis agudos desta familia son a frauta traveseira e o frautín. Son instrumentos de bisel. 

O clarinete e o saxofón son instrumentos de lingüeta simple. 

O óboe, o fagot, e a gaita son instrumentos de lingüeta dobre. 

Lembra estes instrumentos de vento - madeira da orquestra: 

FRAUTA TRAVESEIRA: 

CLARINETE: 

ÓBOE:

Imaxe: Oboe (Gebr.Mönnig Model 155 AM-B). En Wikimedia Commons. CC BY SA 4.0 

FAGOT: