AFINANDO O OUVIDO

Navegar tamén é descubrir un mundo de sons e sensacións. 

Ola, navegantes! Como vai esa travesía?

Estaba eu pensando que Magallanes e Elcano, cando fixeron a súa, tiveron que adaptar o seu ouvido a novos sons. 

Así que, para esta semana, imos traballar a discriminación auditiva. 

1. Discrimina esquemas rítmicos. 

Comezamos con este vídeo. Irán aparecendo, de cada vez, dous esquemas rítmicos. Deberás adiviñar de cal se trata. Pero... atención: tes un tempo limitado!

2. Discriminación melódica.

Como saberás, a primavera ven de comezar. E xa sabemos que Antonio Vivaldi escribiu un concerto para esta estación.

a) Escoita esta melodía.

b) Aplícalle esta letra, e cántaa:

Xa chega a primavera, 

xa chega a primavera, 

xa chega, con moita alegría. 

c) Escoita a Primavera de Vivaldi:

Agora quero que escoites este vídeo e te fixes moi ben. Esta música está construida mediante bloques melódicos perfectamente identificables. En cantos bloques aparece a melodía anterior?

Podes escoitala varias veces.

d) Cóntame o resultado da túa escoita.

A vindeira semana dareiche a resposta. Pero, mentres tanto, podes contarme cantos bloques descubriches.

Fai un comentario a este post. Pide axuda ós teus pais se é preciso. Pero non esquezas contarme quen es!

Estou agardando as vosas respostas!