SEGUIMOS EXPERIMENTANDO...

... cos sons agudos e graves.

Ola, rapazada! Como vos vai?

Espero que moi ben, gozando moitísimo cos experimentos que vos propuxen a semana pasada. Neste enlace podedes ver como algúns de vós conseguistes facer sons graves e agudos... tan só cunha palliña de refresco.

Hoxe propóñovos un pouco de maxia. Mirade este vídeo:




O que se pode facer coas mans...!

Pero... e que é iso que soa...? Copas cheas de auga?

Pois é un instrumento que podedes facer tamén na casa. Chámase arpa de cristal. Para tocala así de ben necesitanse moitos anos de entrenamento, pero... ó mellor é o momento de empezar.

Segue estas instrucións: 

1. Colle dous vasos idénticos de cristal.
2. Bótalles auga, pero a diferente altura: un moi cheo, e o outro con moi pouca.
3. Golpea os teus vasos cunha culler.
4. Comproba a altura: verás que o vaso que ten menos auga produce un son máis agudo; e o que ten máis producirá un son máis grave.
5. Experimenta. Podes coller outros vasos e enchelos tamén de auga a diferentes alturas. Todos os que precieses para facer o teu propio instrumento.

Queres compartir connosco a túa música? Pídelle a papá e a mamá que che fagan unha foto ou un video e envíao a:

biblionavia@gmail.com

Quen sabe se aparece por aquí un novo Mozart?

Pasádeo moi, pero que moi ben, artistas!